Kreye Yon Imel Etap Pa Etap

Kreye yon imel Gmail se yon pwosesis ki senp. Suiv enstriksyon sa yo etap pa etap pou w kreye youn:

1.

Asire w telefòn, tablèt oswa nenpòt aparèy w ap itilize a konekte ak entènèt pou w ka kreye imel la. 

2.

Lanse yon navigatè entènèt tankou Google Chrome, Mozilla Firefox, Safari, oswa Microsoft Edge. Si w ap itilize Google Chrome w ap jwenn ikón navigatè a sou ekran aparey w ap sèvi a.

3.

Tape "www.gmail.com" nan ba adrès ki anlè navigatè a epi voye l ale.

4.

Nan paj Gmail login, ta dwe gen yon opsyon Create account oswa Sign up la.

5.

Yon fòm ap parèt k ap mande enfòmasyon tankou:

• First Name and Last name

• Choose a username (sa a pral adrès imel yo, kidonk li bezwen inik)

• Create a password chwazi yon modpas moun pa ka devine, pou sekirite)

• Confirm the password

6.

Bay yon nimewo telefòn rekiperasyon oswa yon lot adrès imel pour rekiperasyon imel w ap kreye a. Sa a enpòtan tou nan ka ou bliye modpas la oswa bezwen refè kont la.

7.

Antre Date of Birth ki kòrèk epi chwazi ki Gender ki idantifye ou. Enfòmasyon sa yo obligatwa pou kreye imel la.

8.

Li Kondisyon Sèvis ak Règleman sou enfòmasyon prive Google yo. Tcheke kaz Accept a pou kontinye.

Li plis: Kijan pou mete Zoom sou telefòn (an anglè)

9. 

Konplete etap adisyonèl yo mande yo. Sa ka gen ladan pèsonalizasyon kont la, mete yon foto pwofil (ou ka sote li).

10.

Y ap mande yon nimewo telefòn pou verifye kont la. Y ap voye yon kòd verifikasyon kat chif sou nimewo w ap bay (fok se yon telefòn ki tou nan men w).

Chwazi youn nan opsyon yo: Text message oswa Phone call.

Antre kòd yo voye a nan espas yo bay pou sa a.

11.

Two-factor authentication pèmèt sekirize kont la plis toujou. Li bay posiblite pou ajoute yon lòt modpas.

Pwosesis kreye imel la fini. Ou ka voye imèl epi òganize bwat resepsyon yo mesaj la.

Gade videyo sa a: Kijan pou ou kreye yon imel sou telefòn ou

Life Skills Advice ankouraje moun devlope konpetans ki valab ni pou kounya ni pou lavni. Nou enspire moun nan kominote n ap sèvi pran responsablite yo parapò ak sa y ap aprann, konsidere erè yo fè kòm opòtinite pou aprann plis, epi fikse objektif pèsonèl. W ap jwenn Life Skills sou Fanbase.

Se Yanick Saint-Elien ki refè imaj entèt la